Plantun de Prouvènço

Pèr coumpara dos planto d'encò nostre

Narcissus dubius & Galeopsis angustifolia

Tèsto-d'ase

Narcissus dubius

Amaryllidaceae

Autre noum : Judiéuvo.

Noms en français : Narcisse à bouquets, Narcisse de Gouan.

Descripcioun :
Mai pichoto que sa cousino la courbo-dono, la tèsto d'ase fai pamens de poulìdi flour touto blanco un cop maduro. Se destrio peréu que fai un couquet de flour e pas soulamen uno flour soulitàri. En mai d'acò si fueio soun bèn mai estrecho.

Usanço :
Touto la planto es empouisounanto e majamen la cabosso ounte s'atrobo forço acalouïde di proun dangerous. Ei pas couseia meme d'agué un couquet dins uno chambro que pau ensuca. Part acò li courbo-dono porton peréu lou noum de "mau-de-tèsto". Soun couneigudo desempièi li mège grè pèr èstre de bon boumitòri e douna uno espetaclouso fouiro. Mefisas-vous n'en.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Narcissus
Famiho : Amaryllidaceae

Coulour de la flour : Blanco
Petalo : 6
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : Pancaro entresigna
Aparado : Noun

Liò : Garrigo - Roucaio - Paret
Estànci : Termoumediterran à Mesoumediterran
Couroulougi : Pancaro entresigna
Ref. sc. : Narcissus dubius Gouan, 1773

Ourtigo-roujo

Galeopsis angustifolia

Lamiaceae Labiaceae

Noms en français : Galéopis à feuilles étroites, Ortie-chanvre.

Descripcioun :
Aquesto ourtigo-roujo, dóu gènre Galeopsis, trachis dins lis esboutèu e li roucaio sus cauquié. Se pau trouba peréu dins li champ cultiva dins li relarg secarous. Es, generalamen, uno pichoto planto que fai de poulìdi flour roso e blanco. Se recounèis peréu à si dos gibeto sus la petalo dóu davans de la flour. Pèr la destria de Galeopsis ladanum qu'a de fueio bèn mai larjo, fau tambèn regarda li péu dóu "calice" que dèvon èstre rufe.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 100 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Galeopsis
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 1,4 à 2 cm
Flourido : Printèms - Estiéu

Sòu : Ca
Autour basso e auto : 0 à 2600 m
Aparado : Noun
Jun à setèmbre

Liò : Esboudèu - Roucaio - Culturo
Estànci : Mesoumediterran à Subaupen
Couroulougi : Éurasiatico
Ref. sc. : Galeopsis angustifolia Ehrh. ex Hoffm., 1804 (= Galeopsis ladanum subsp. angustifolia (Ehrh. ex Hoffm.) Schübler & G.Martens, 1834 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Narcissus dubius & Galeopsis angustifolia

ges

Coumpara Tèsto-d'ase emé uno autro planto

Coumpara Ourtigo-roujo emé uno autro planto